Kur bëhet fjalë për dhomën e gjumit dhe aktivitetet në të, mesiguri gjëja e fundit që mëndoni është Feng Shui.
Por prapseprapë është e rëndësishme që t’i kushtoni vëmendje feng shui-t, sepse edhe ndryshimi më i vogël i cili është në përputhjë me feng shui-n mund të ndikojë mirë në jetën tuaj seksuale.
Dhoma e fjetjes e mbingarkuar me letra, me laptopin e ndezur tërë kohën dhe të lidhur në internet, me librat nëpër rafte, me fotografitë dhe lodrat e fëmijëve – një dhomë e tillë nuk është e mirë për jetën seksuale.
E gjithë kjo ua tërheq vëmendjen nga “akti kryesor”.
Tek feng shui gjëja më e rëndësishme është balansi. Ku ka balans ka edhe përparim. Balansi në dhomën e gjumit duhet të jete jing-jang, mashkull-femër, pushim-dashuri, gjumë-seks.
Krijimi i lidhjes më të mirë dhe jetës sekusale më të mirë fillon me krijimin e harmonisë dhe balansit në lidhje dhe në dhomën e gjumit të cilën e ndajnë partnerët. Nëse mendoni se jeta juaj seksuale ka rënë në krizë, aplikoni rregullat e mëposhtme të feng shui-t.
1. DHOMA JUAJ DUHET TË PARAQESË SIMBOLIN “DASHURIA NË SHIKIM TË PARË”
Dhoma juaj e gjumit le të manifestojë gjithmonë “dashuri” sa herë që të futeni në të. Nuk mendohet në krevat në formë zemre, por në një dhomë e cila është e pastërt, e cila duket bukur dhe në të cilën nuk ka libra, kompjuterë dhe vegla për ushtrime.
2. HIQNI VRASËSIT E PASIONEVE
Për shumë çifte, fëmijët janë vrasësit e pasionit. Nëse keni fëmijë, juve ju duhet hapsirë në të cilën ata nuk do të jenë prezent. Largoni nga dhoma e gjumit të gjitha fotografitë, lodrat dhe gjërat e tjera që u përkasin fëmijëve. Dhoma juaj e gjumit duhet të jetë vetëm për të rritur.
3. ZBUKURONE
Bleni dyshek të mirë dhe mbulesa të bukura që të ndjeheni bukur çdoherë që të gjendeni në dhomën e gjumit. Shmangjuni luleve, dekorimeve dhe gjërave që janë “femërore” ose “mashkullore”. Zgjidhni ngjyra neutrale dhe elemente neutrale dekorative.
4. KRIJONI BARABARËSI
Dizajnerët ndoshta nuk e duan simetrinë, por feng shui e do. Në të dy anët e krevatit duhet të vendosni nga një komodinë indentike mbi të cilat qëndrojnë dy llamba identike, në mënyrë që të krijohet barabarësi dhe ndenjë e të drejtave të barabarta.
5. HIQNI PASYRAT
Pasqyrat e duplifikojnë numrin e njerëzve në një hapsirë – ndërsa kur bëhet fjalë për dhomën e gjumit, vetëm dy njerëz duhet të jenë në të. Krahas kësaj, pasqyrat shkaktojnë edhe pagjumsi, e nëse nuk jeni të pushuar nuk do të jeni të disponueshëm edhe për seks./kosovarja.ch/
