Pa marrë parasysh me çfarë punësh merreni, do të ballafaqoheni me njerëz të vështirë. Nëse do t’i përmbaheni këtyre 7 rregullave, do të dini si të ballafaqoheni me njerëz të vështirë nëse do të ketë nevojë për këtë.
DUHET TË MERRNI PËRGJEGJËSITË
Kur të ndiheni të frustruar apo të marrur mendësh, kuptoni që nuk jeni viktimë e situatës apo e atij personi të frustruar. Reagoni me disa persona në disa mënyrë por e shihni që ai njeri këtë nuk e kupton. Nëse e vëni veten në pozicion të viktimës duke fajësuar dikë tjetër për atë që ndieni, shumë lehtë mund të ngarkoheni me këtë. Pyesni veten: Pse po ndihem kështu? A është problem tek unë apo dikush tjetër?
MOS FLISNI PAS SHPINËS
Nëse e ndani me dikë çfarë ju ka ndodhur me personin X, vërtet që mund të ndikojë si terapi, por në vend pune mund të sjellë më shumë dëm sesa dobi. Kjo për shkak se në punë këso lloj lajmesh shpejt hapen. Mos tetntoni të flisni tregime para se dikush ta bëj me ju. Nëse dikush ju pyet çka ka ndodhur, bëhuni e sinqertë. Pranoni që ekziston konflikt, por shkurtoni bisedën duke thënë që nuk ndiheni rehat të flisni për atë temë.
GJENI ZGJIDHJE
Para se të filloni të kërkoni një mënyrë se si të silleni me një person të caktuar, kërkoni ndonjë zgjidhje të mundshme. Mendoni se si kishin vepruar të dy anët për të tejkaluar problemin pa ndikuar në vetëbesimin dhe produktivitetin tuaj në punë.
FLISNI DIREKT
Pasi që keni analizuar të gjitha mundësitë e mundshme, provoni të flisni me atë person në katër sy. Nëse jeni të shqetësuar për rrjedhën e bisedës, apo thjesht nuk ndiheni rehat të jeni vetëm me atë person, atëherë merrni një përcjellës (kolegë, menaxher apo dikush tjetër) që të jetë i pranishëm në bisedën tuaj. Ai do të jetë si ndërhyrës, i cili ruan që biseda të mos marrë kahje konstruktive dhe njëkohëshit mund të jetë dëshmitar i asaj se deri ku ka arritur biseda. Merrni përgjegjësi për atë që thoni dhe thuani më shpesh ‘Unë’ (për vete dhe ato që ju i keni bërë) e më pak thuani ‘Ju’. Kjo mënyrë e bisedës është e vetmja mënyrë që mund ta forcojë vetëbesimin tuaj.
SHËNONI BISEDAT TUAJA
Mbani shënime dhe ruani të dokumentuara bisedat tuaja me atë person: kohën dhe datën dhe çka është thënë saktë. Kjo mund të ndihmojë që në të ardhem diskutimet tuaja të jenë më prezice dhe ndihmon që të parandalojë konfliktin e më tejshëm.
RESPEKTONI POLITIKAT DHE PROCEDURAT E KOMPANISË
Shumë organizata kanë sistemin e zgjidhjeve të konflikteve për bashkëpunim të mirë me njerëz të rëndë. Këto procedura shpesh nënkuptojnë praninë e eprorit në rastin e zgjidhjes së konfliktit ndërmjet jush dhe personit tjetër. Edhepse kjo mund të duket si një mundim i panevojshëm, nëse rrini në kornizat e politikavetë kompanisë, do të tregoni se respektoni aftësitë tuaja, por edhe të punëdhënsit tuaj.
MËSONI NGA PËRVOJA JUAJ
Mundohuni që nga secila përvojë të dilni edhe me një risi. Edhe nëse thjesht është forcimi i vetëpërmbajtjes suaj , zhvillimi i aftësive për të zgjidhur problem, apo mundësia për të vërejtur mangësitë në politikat e punëdhënësit tuaj. Sidoqoftë, përvoja gjithsesi do t’ju shpaguhet./kosovarja.ch/
