10.7 C
Priština
More

    Të lodhur? Harroni shpesh? Sigurisht ndodh sepse hani natën!

    spot_imgspot_img

    Ktheheni në shtëpi pas punës, porositni diçka për të ngrënë. Në ndërkohë vjen porosia, por është tashmë vonë dhe ju duhet që ta hani ushqimin para se të shkoni në shtrat.

    Hulumtimet e fundit tregojnë se ngrënja në kohë të caktuar të ditës mund të jetë e dëmshme për kapacitetin e trurit për të mësuar si dhe kujtesës. Brejtja natën vonë mund t’ju bëjë më shumë dëm se sa vetëm kaloritë e tepërta në belin tuaj.

    Hulumtimi i larpërmendur, i realizuar nga Christopher Colwell, professor në UCLA, ka provuar në laboratorë me minj, por që rezultatet e tij janë zbatuar edhe tek njerëzit.

    Trupat tanë veprojnë në një cikël rrethor, në raste të caktuara të përshtatshëm për tendosje, pushim dhe gjumë. Trupi përcaktohet nga hormone dhe enzimat e lëshuar në gjakun tonë. Pavarësisht iluzionit se trupi ynë mund të hajë dhe punojë në çdo kohë, relaisht sipas sistemit biologjik, kjo nuk funksionon ashtu. Trupi ynë punon në bazë të të paturit e një ritmi të përditshëm.

    Çdo lloj i çrregullimit të ciklit normal të gjumit është i dëmshëm, duke përfshirë aktivitetet si ngrënja natën vonë dhe ushtrimet kardiovaskulare. Këto ndërprerje, nga ana tjetër mund të ndikojnë në funksionet tona kognitive, duke përfshirë të mësuarit dhe kujtesën.

    Eksperimenti i Colwell-it përfshinte dy grupe të minjve, njëri që i lejohej të hanin si dëshironin dhe grupi tjetër ishte i detyruar të hanin gjatë orëve normale të gjumit.më vonë, kur iu dhanë minjve testet mësimore që përfshinin kujtesën dhe të mësuarit, minjtë që kishin ngrënë natën vepruan shumë dobët në krahasim me minjtë në orar normal. Ata madje treguan ndryshime në hippocampus-in e tyre, pjesa e trurit që lidhet me kujtesën afat-gjatë.

    Professor Colwell paralajmëron se njerëzit që punojnë në orare të ngarkuara e që u ndikon në gjumin normal për periudha të vazhdueshme kohore, duhet të bëjnë ndryshime të mundshme. Nëse bëhet fjalë për ndonjë pushim, nuk është problem. Por, nëse jeni në ndonjë mjedis pune ku e gjeni veten kronikisht në situata ku orari juaj është gabimisht i vendosur, atëherë ju do të filloni të keni probleme, thekson ai.

    Njerëzit që punojnë me ndërrime, sidoqoftë, mund ta rregullojnë gjumin e tyre. Për sa kohë që një person fle në sasi të rregullt të kohës, në të njejtën orë, çdo ditë, trupi do ta rregullojë ritmin e tij. Ndryshimi i orareve të gjumit është armiku më i madh.

    Mundohuni mos të hani sasi të madhe të ushqimit të paktën dy orë para gjumit dhe do ta shihni mënjëherë cilësinë e mirë të gjumit dhe rritjen e energjisë në mëngjes./kosovarja.ch/

    Shpërndaje postimin:

    spot_imgspot_img

    Të popullarizuara

    spot_imgspot_img

    Artikuj të ngjajshëm
    Artikuj të ngjajshëm

    Pushimet shijojnë më shumë me Prime Travel

    Ndërsa ditët e diellit të gushtit i lënë butësisht...

    Dëshironi të vraponi më shpejt, ndiqni këto tri këshilla

    Të gjithë e kemi dëgjuar frazën se duke e...

    Dëgjoni këto këngë për seks të ngadaltë dhe sensual

    Muzika mund të ndikojë në dëshirën tonë seksuale. Kështu...

    Çfarë është shtatzënia ektopike?

    Një shtatzëni ektopike mund të jetë një ngjarje shkatërruese...