1.TEST
Në enë të thellë të qelqit apo në gotë mbushni ujë. Vezën me kujdes vendojeni brenda në enë dhe vëzhgoni se çfarë ndodh.
- Veza e freskët në tërësi do të fundoset dhe do të “ngjitet” për fundin e enës.
- Veza më pak e vjetër me njërën pjesë do të jetë në fund dhe me tjetrën do të ngritet në sipërfaqe.
- Vezët që lundrojnë në sipërfaqe janë të rrezikshme për konsumim andaj është më mirë që mos ti përdorni.
- TEST
Vezën kapeni me dorë dhe mbajeni afër veshit. Ngadalë shkundeni dhe dëgjojeni tingullin që lëshon brendia e saj.
- Nëse nuk dëgjoni asnjë tingull veza duhet të jetë e freskët dhe e mirë për konsumim.
- Nëse nga veza dëgjohet tingull, atëherë me siguri veza është e vjetër dhe mos e përdorni për përgatitje të gjellës.
3.TEST
Bëni gati vezët dhe një pjatë të madhe, të bardhë. Merreni vezën dhe butësisht thejeni në pjatë duke vëzhguar pamjen e saj.
- Nëse e verdha qëndron e fortë dhe e ngritur, ndërsa e bardha është e grumbulluar rreth saj – kjo vezë është e freskët.
- Nëse e verdha është e fortë por është zgjeruar dhe rrafshuar pak, ndërsa e bardha është e tejdukshme por jo e shpërndarë në pjate- kjo vezë është e vjetër por mund ende të konsumohet.
- Nëse e verdha është e butë, krejtësisht e rrafshuar apo e derdhur, e bardha është si ujë dhe e shpërndarë në pjatë- atëherë kjo vezë është e vjetër dhe nuk është e sigurtë për konsumim./kosovarja.ch/
