Edhe pse mund të mendoni se testet e shtatzënisë përmes urinimit, të realizuar në shtëpi i përkasin kohës moderne, e vërteta është se njerëzit kanë pasur njohuri të ngjashme edhe para 1350 viteve, para erës sonë. Papirusi egjiptian në atë periudhë ka përshkruar testin e shtatzënisë të bërë në shtëpi, i cili poashtu ka qenë një tregues i gjinisë se a mban gruaja foshnje mashkull apo femër. Gruaja është dashur të urinojë në sasi të vogël të farave të grurit apo elbit. Nëqoftëse është rritur elbi, është konsideruar se gruaja do të lind një foshnje mashkull. Nëse ka mbirë gruri, është konsideruar se foshnja do të jetë e gjinisë femër. Nëse nuk ka pasur fare mbirje të farave të tilla, atëherë nuk do të ketë shtatzëni.
Duket se paraardhësit tanë kanë pasur njohuri që është kuptimplote. Kur testi është bërë kohët e fundit për kontroll apo verifikim, është gjetur se shtatzënia parashikohet deri në 70% siguri (por jo edhe gjinia e fëmijës) dhe kjo është ndoshta për shkak të nivelit të lartë të estrogjenit në urinën e grave shtatzëna, gjë që shkakton mbirjen e farave. Kush është kurioz mund edhe ta provojë edhepse shumica sot zgjedhin testet moderne të shtatzënisë rezultatet e të cilave japin përqindje reale të lartë të saktësisë. Dhe, nëqoftëse dëshironi të zbuloni gjininë e hershme të foshnjes, edhe në kohët e sotme janë në dispozicion testet e shtrenjta rreth ADN-së (Nifty dhe Harmony) të cilët bëjnë verifikimin e duhur të ndonjë anomalie të caktuar të foshnjes./kosovarja.ch/
