Në asnjë rresht libri apo rregulli të artë nuk është e shkruar që sapo dalim nga shtëpia, duhet të na shkëlqejë grimi në fytyrë që së largu. Shikimi joshës me qerpikët e gjatë, buzët e lyera me nuanca të forta, mollëza që shkëlqejnë dhe një make up transformues sapo e bën efektin e tyre.
Por, mes shumë vajzash të tilla që nuk shkojnë askund, pa kaluar përpara pasqyrës, për të përmirësuar edhe cepin më të vogël të portretit, me tualet, ka edhe nga ai lloji tjetër, le të themi „acqua e sapone“. Të pastra, të rregullta, me një lëkurë me pore të hapura që ajrosen, pa efekte të sajuara, por me një pamje të admirueshme, të tilla vajza shënjestrohen pa arsye. Motivi? Sepse ato nuk preferojnë të grimohen. Cilat janë shprehjet që dëgjojnë më shumë vajzat e tilla? Hidhini një sy edhe ju!
1. Ua pse nuk je lyer mi? Mos je gjë sëmurë?
2. Dukesh pa ngjyrë, pa jetë…
3. Boh, dukesh sikur sapo je zgjuar nga gjumi
4. Ke ndonjë problem që nuk grimohesh, apo thjesht nuk të pëlqen?
5. Dukesh si viktimë
6. A ke tentuar ndonjëherë të lyhesh në jetën tënde?
7. Make up-i tregon kujdes për veten, shihi shoqet e tua si shkëlqejnë
8. Po ty të shkon grimi mi, pse se bën
9. Dukesh tjetër njeri kur lyhesh
