Receta e burgerave vegan me panxhar krijon një shije të ëmbël. Ajo do t’ju bëjë të zëvendësoni burgerat tradicionalë. Ky është një vakt i pasur për veganët dhe vegjetarianët, por dhe për ata që duan të ushqehen shëndetshëm dhe lehtë.
Përbërësit: 500 gr panxhar të zier, 200 gr quinoa të zier mirë, 80 gr vaj ulliri, 1 qepë të vogël të prerë imët, 1 lëkurë limoni, 1 lugë gjelle arra, 1 lugë gjelle lajthi, ½ lugë çaji spec djegës, hudhër, kripë, piper, pak majdanoz, kopër dhe mendërz.
Përgatitja:
Në fillim, ziejmë panxharin në një enë deri sa të zbutet.
Ndërkohë, vendosim në multi–mikser vajin e ullirit, quinoa, arra, lajthi, kripë, piper, majdanoz, kopër, mendërz, lëkurën e limonit, hudhër, specin djegës dhe qepën.
Masën e përzier në mikser e bashkojmë me panxharin e zier në një enë të pastër.
I përziejmë mirë me njëri-tjetrin. Më pas lyejmë duart me vaj dhe nisim të formojmë burgerat sipas madhësisë që dëshirojmë.
Vendosim një tigan në zjarr dhe i skuqim me pak vaj ulliri. I kalojmë nga të dyja anët deri sa të kenë marrë një shtresë në ngjyrë më të errët. I shërbejmë menjëherë.
Burimi: Albanianpost.com
