Këngëtarja kosovare me famë botwrore, Rita Ora, ka që nga muaji mars që nuk ka publikuar ndonjë këngë të re.
Gjatë izolimit tre mujor si shkak i pandemisë globale COVID-19, Rita qëndroi e izoluar në një fshat në veriperëndim të Londrës, me motrën dhe miqtë e saj, në një rezidencë luksoze.
Ora pranoi se gjatë asaj kohe kishte kompozuar këngë të reja për albumin e saj të tretë, për të cilin artistja është duke punuar fort.
Tani Rita duket se është shumë pranë finalizimit të një kënge të re, teksa u shfaq në rrjetet sociale në disa fotografi të realizuara në studio.
Këngëtarja shqiptare dukej mjaft tërheqëse me një pamje natyrale pranë mikrofonit, ndërsa incizonte këngën e saj të re.
“Kthim në habitatin tim natyral”, shkroi 29-vjeçarja në mbishkrimin e këtyre fotografive, ndërsa dukej mjaft e lumtur që po realizonte projektin e ri.
Kënga e fundit që Rita Ora solli për fansat mbetet kënga “How to be lonely”, e publikuar në mars të këtij viti, e cila është pritur mirë nga fansat e saj.
