Studiuesit nga Universiteti i Shkencave dhe Teknologjisë Huazhong në Wuhan kanë paralajmëruar se një dhimbje koke dhe marramendje mund të jenë tregues se jeni infektuar me Coronavirus.
Nga një ethe e lartë deri në gulçim, Coronavirusi dihet se shoqërohet me një sërë simptomash të pakëndshme shkruan Mirror.co.uk.
Por një studim i ri ka zbuluar dy simptoma të reja të buta që gjithashtu mund të tregojnë se jeni të infektuar.
Studiuesit analizuan 214 pacientë me COVID-19, duke i pyetur ata për simptomat e tyre fillestare.
Rezultatet zbuluan se 36% pësuan një formë të simptomës neurologjike, përfshirë dhimbje koke, marramendje, inflamacion të muskujve dhe dhimbje nervore.
Në disa raste, këto simptoma u përshkruan krahas simptomave të frymëmarrjes, duke përfshirë një kollë dhe ethe.
Sidoqoftë, në raste të tjera, pacientët përjetuan vetëm simptoma neurologjike.
