Këngëtarja shqiptare me famë botërore, Rita Ora, mori një lajm të hidhur. Gjyshja e saj ka ndërruar jetë. Rita të shtunën, përmes rrjetit social Facebook, ka postuar një dedikim prekës për Nanin, sic edhe e ka quajtur ajo gjyshën, duke e shoqëruar edhe me disa foto.
“E dashur Nani, ti ishe personi më i i këndshëm, punëtor dhe i pavarur që kam njohur ndonjëherë. Çdo ditë që ajo dilte të ecte, vishej dhe dukej për mrekulli, shkonte të merrte kafe pa ndonjë ndihmë nga dikush, asaj nuk i nevojitej. Ajo ishte shumë e dashur, e fortë dhe shumë qesharake. Zot, ne qeshnim edhe kur ajo tregonte të vërtetën. Por, ajo dashuronte dhe kujdesej me gjithë zemër. Do të më mungosh çdo ditë. Pusho e qetë afër gjyshit dhe e di se ju do të na mbështetni dhe udhëzoni. Mundohuni të mos festoni shumë atje në parajsë, sepse unë do të kem fomo (ankthi i të përjetuarit një ngjarje në një vend tjetër). Të dua ‘nan’”, ka shkruar ajo në postim.
Edhe nëna e Ritës, Vera Ora, që është edhe e bija e të ndjerës, ka postuar një foto me nënën dhe babain e saj, ku ka shkruar se tani prindërit e saj janë bashkë në parajsë.
Ndryshe, e ndjera është varrosur në Kosovë, në praninë e vetëm familjarëve të ngushtë, pasi pandemia coronavirus ka pamundësuar ardhjen e të afërmve të tjerë.
Ndërkaq, gjyshërit e Rita Orës nga ana e nënës nuk ishin të panjohur për publikun, pasi këngëtarja është mbesa e Osman Bajraktarit, që në kohën e Ish-Jugosllavisë ishte konsull në Ish-BRSS.
