Qendra për Kontroll dhe Parandalim të Sëmundjeve në SHBA, ka këshilluar që të gjithë të vendosin maska në hapësirat publike, si masë parandaluese e shpërndarjes së COVID-19.
Ato duhet të përshtaten mirë me fytyrën, qoftë nëse janë me mbajtëse në vesh apo të lidhen prapa kokës. Njëkohësisht duhet të mundësojnë frymëmarrje të plotë.
Maskat e punuara nga materialet, duhet që të jenë të përshtatshme për larje në makinën e larjes së rrobave, pa pësuar dëme.
Njerëzve që bartin syze, barjta e maskës mund të shkaktoj mjegullimin e tyre. Për të zgjidhur këtë, thjeshtë vendoseni një pecetë të palosur, në fillim të maskës, përbrenda.
Në këto momente, Qendra për Kontroll dhe Parandalim të Sëmundjeve (CDC) është duke rekomanduar përdorimin e maskave nga materiali që mund të lahen disa herë. Ky rekomandim vjen si pasojë e mungesës së maskave mjekësore.
