Gjatë kohë është zhvilluar luftë që të bëhet i njohur dëmi i këtyre kemikaljeve dhe u është apeluar prodhuesve që t’i heqin këto kemikalje nga përbërja e llaqeve për thonjë. Në këtë drejtim janë arritur përparime të rëndësishme.
Çfarë është aq e rrezikshme
Touleni, formaldehidi dhe ftalatet janë tre substancat të cilat janë më të rrezikshmet në përmbajtjen e llaqeve për thonjë. Posaçërisht janë të rrezikshme për foshnjet të cilat rriten në barkun e nënës.
Touleni ka prejardhje natyrale nga trungu i drurit. Gjendet në përbërjen e shumicës së llaqeve për thonjë dhe shërben si tretës. Është i rrezikshëm për frymëmarrjen – në vendin e punës, në gazrat që dalin nga makinat, llaqet, terpentinat, etj… Është i pastër, pa ngjyrë dhe ka aromë të fortë. Është i dëmshëm për sistemin nervor. Nësë shtatzënat kanë kontak me këtë kemikalje, mund të vijë deri tek ngadalsimi i rritjes së foshnjes, si dhe çrregullime në zhvillimin mental dhe fizik të fëmisë.
Formaldehidi gjendet në përbërjen e shumë prodhimeve kozmetike dhe e kosniderojnë si kancerogjen kur është në masa të mëdha. Prodhimet kozmetike nuk guxojnë të përmbajnë më shumë se 0,2% formaldehid. Sot, për fat të mirë, si pasojë e presionit publik, shumica e prodhuesve të llaqeve për thonjë e heqin këtë përbërje nga prodhimet e tyre.
Si përbërje fatale janë dibutylphathalatet (DBP), dimethylpthtalate (DMP) dhe diethylpththalate (DEP). Nësë këto gjera i lexoni në listën e përbërjes së prodhimeve kozmetike, përpiquni që gjatë blerjes së radhës ti shmangni. Mirëpo, vështirë së mund t’i shmangim tërësisht, sepse ndodhen edhe nepër lodra, paketimet e ushqimeve, kozmetikë, pra edhe në llaqet për thonjë.
Ende nuk janë bërë shumë hulumtime në këtë fushë që të përcaktohet se sa është dëmi i këtyre prodhimeve në preparatet kozmetike.
Femrave shtatzëna ju rekomandohet që t’i shmangin llaqet që në përbërjen e tyre i kanë këto tre kemikalje. Prodhuesit e njohur, siç janë Narsa, Chanel dhe OPI, i kanë larguar këto përbërje nga llaqet për thonjë./kosovarja.ch/
