Trendi më i ri i fruzurave është bronde. Ky emërim ka rrjedhur nga kombinimi i dy fjalëve angleze: brunette dhe blonde (brune dhe bjonde). Në mesin e personaliteteve të njohura të cilët e kanë pranuar këtë trend janë Jenifer Lopez, Julia Roberts.
Ky kombinim i dy ngjyrërave të flokëve më së miri u shkon femrave të cilat më herët kanë qënë bjonde, dhe që pjesërisht janë ngjyrosur në brune. Floku afër rrënjëve ka një nuancë nga ngjyra gështenje kah ajo karamel, përderisa fiket më të gjata pas veshëve, shatirohen në ndonjë nuancë të bjondes.
Me këtë teknikë arrihet dendësi dhe thellësi e ngjyrës së flokëve, e gjithashtu përfitohet edhe një butësi nga kombinimi i ngjyrës gështenje me fijet bjonde të shkëlqyera.
Femrave me lëkurë ngjyrë ulliri më së miri u shkojnë tonet e ngrohta, përderisa ato me lëkurën ngjyrë rozë duhet që të përzgjedhin tone të ngjyrës së hirtë.
Kjo temë është përgatitur nga Rrjeti i Studiove të Bukurisë PASSION /kosovarja.ch/
