Ndonjëherë ne i gënjejmë njerëzit e afërt, jo sepse nuk i respektojmë, por sepse përpiqemi t’i mbrojmë ata nga e vërteta që mund t’i lëndojë. Sidoqoftë, ka disa të vërteta që duhet t’i flisni gjithmonë për shkak se heshtja në situata të tilla mund të çojë në probleme më të mëdha.

Tregoni personit që nuk vijnë erë të mirë

Nëse një personi i vjen erë e keqe, njerëzit përreth do ta trajtojnë me neveri, por asnjëri prej tyre nuk do t’i tregojë këtij personi se çfarë nuk shkon.

Një person mund të përballet me të njëjtën çështje për muaj apo edhe vite, madje pa pasur as edhe më të voglin dyshim se përse ata që e rrethojnë nuk duan të komunikojnë me të.

Nëse ju mendoni se një person i dashur i juaji ka erë të keqe të gojës ose erë të trupit, duhet ta informoni butësisht këtë person rreth problemit. Kjo do t’u japë atyre një shans të mirë për të korrigjuar situatën dhe për të qëndruar në rehati në prani të njerëzve të tjerë.

T’i tregoni personit që ka shtuar shumë në peshë

Nëse dikush pranë jush ka filluar të fitojë peshë shumë shpejt, kjo mund të jetë për shkak të dietës së gabuar apo një sëmundje. Pa marrë parasysh se cila është arsyeja, ky person mund të mos e vërejë re situatën ose po e neglizhon faktin se po arrin në mbipeshë.

Ju as nuk duhet të qeshni dhe as të kritikoni një person për këtë problem. Sidoqoftë, është e rëndësishme t’i informoni rreth vrojtimeve tuaja.

Nëse keni frikë nga reagimi, mund ta ngrini problemin duke thënë: “Mendoj se të dy kemi filluar të fitojmë peshë, le të përpiqemi të kuptojmë së bashku se përse po ndodh.

Sjellja e faktit se ata shpenzojnë shumë para

Natyrisht, i përket individit të vendosë se si do t’i shpenzojë paratë e fituara. Megjithatë, përveç të drejtave të një individi, anëtarët e familjes gjithashtu kanë detyra dhe përgjegjësi.

Për shembull, nëse bashkëshorti vazhdon të shpenzojë të gjitha paratë e veta për nevojat dhe dëshirat e veta, ndërsa partnerja është kundër kësaj, atëherë ky është një problem që duhet diskutuar.

Psikologët rekomandojnë ndarjen e detyrave financiare dhe diskutimin e të gjitha blerjeve të mëdha së bashku. Për fat të keq, heshtja në këtë rast mund të jetë një nga arsyet për një falimentim të ardhshëm.

T’u thoni se nuk ndani më të njëjtat interesa

Nëse kjo është një miqësi e re apo një marrëdhënie dashurie, njerëzit shpesh tregojnë një interes të ekzagjeruar për hobin e partnerit të tyre, duke u përpjekur të bëhen pjesë e saj. Kjo është mjaft e natyrshme.

Por, kur të afroheni, është më mirë që të filloni gradualisht të shpreheni me shokun tuaj të ngushtë dhe të tregoni preferencat tuaja reale. Përndryshe, ekziston një shans i madh që të jetoni një jetë për të cilën nuk jeni të kënaqur, duke i kushtuar vëmendje gjërave për të cilat nuk jeni të interesuar.

Të zbuloni dëshirën se nuk doni të keni fëmijë

Të gjithë kemi plane të ndryshme për jetën tonë dhe nuk është e gabuar nëse nuk përputhen me mënyrën se si miqtë tanë të afërt dhe anëtarët e familjes e shohin të ardhmen tonë.

Sidoqoftë, do të ishte e drejtë t’u tregoni atyre parimet e jetës suaj që në fillim, për të mos u dhënë atyre shpresa të rreme.

Nëse prindërit tuaj vazhdojnë të këmbëngulin që ju dhe bashkëshorti juaj të keni një fëmijë, por nuk jeni ende gati për një familje, informoni ata për këtë. Ata nuk mund ta pranojnë këtë menjëherë, por me kalimin e kohës ata do të mësohen me zgjedhjen tuaj të jetës.

Gjithashtu, nëse bashkëshorti juaj po planifikon të ketë fëmijë, ndërkohë që ju nuk keni ndër mend të bëheni prind, është e drejtë që t’i tregoni të dashurit tuaj se çfarë mendoni.

Tregoni partnerit tuaj që nuk e doni më

Kjo është një e vërtetë e rëndësishme që do t’ju duhet t’ia zbuloni partnerit tuaj herët a vonë. Natyrisht, shumë njerëz jetojnë në marrëdhënie pa dashuri, pa marrëveshje apo pa rrespekt të ndërsjellë për njëri-tjetrin. Ndoshta edhe ju jeni në një situatë të ngjashme për momentin.

Por nëse nuk e doni këtë lloj marrëdhënieje në jetën tuaj, duhet t’i tregoni partnerit tuaj se ndjenjat tuaja janë zbehur. Për sa kohë që hezitoni nëse duhet ta informoni partnerin tuaj apo jo, po u humbisni kohën atyre.

Biseda rreth një sëmundje serioze

Kur mësojnë për një sëmundje serioze, shumë njerëz përpiqen ta fshehin këtë të hidhur nga të dashurit e tyre deri në fund. Natyrisht, ata nuk duan të lëndojnë të dashurit e tyre me këtë lajm të keq, por sipas ekspertëve që ndihmojnë mijëra të sëmurë çdo ditë, familja dhe miqtë e ngushtë kanë të drejtë të dinë të vërtetën.

Nëse pacientët kanë frikë nga reagimet e të afërmve të tyre, rekomandohet që të mos organizojnë takime familjare, por të zgjedhin një të afërm ose mik dhe të ndajnë informacionin me ta.

Gjithashtu, kërkoni që ky person të përhapë informacionin rreth sëmundjes midis të afërmve dhe miqve të tjerë.