Përtypja e çamçakëzit është shprehi që shkakton debat ndërmjet asaj nëse është e dobishme apo e dëmshme për shëndetin. Kjo shprehi daton që nga koha e Grekëve të lashtë, që kanë përdorur lëvozhgë të drurit të mastikës si freskues natyral i frymëmarrjes. Në kohën tonë, çamçakëzi përdoret për shumë qëllime, përfshirë largimin e urisë, kalimin e kohës si dhe për të marrë nikotinën nga ajo. Mirëpo a është çamçakëzi i dëmshëm për shëndetin apo ka edhe cilësi të dobishme?
Përparësia e përtypjes së çamçakëzit
Sipas një studimi të bërë më 2013 në Japoni, përtypja e çamçakëzit mund të nxisë vigjilencën mentale deri në 10%. Përtypja e zhurmshme mund të përmirësojë të menduarit, që të mund të sjellni vendime më të mira. Studimi zbuloi se gjatë përtypjes së çamçakëzit aktivizohen tetë rajone të trurit, gjithashtu ekziston teoria se ajo shkakton edhe eksitim duke shkaktuar përmirësim të qarkullimit të gjakut në tru.
Përveç asaj se jeni më vigjilentë, përtypja e çamçakëzit përmirëson memorien tuaj, bazuar në studim, ky akt i thjeshtë shkakton që njerëzit të performojnë më mirë posaqërisht në provime. Një shpjegim për këtë është se përypja e vazhdueshme mund të rrisë aktivitetin e hipokampusit, rajoni të trurit që është vendimtar për memorien.
Përtypja e çamçakëzit ofron edhe beneficione të tjera të shëndetit të gojës, posaqëisht në reduktimin e pllakës bakteriale. Gjithashtu ka disa studime që promovojnë përdorimin e çamçakëzit për përmirësimin e higjienës orale pasiqë ofron beneficione për njerëzit me gingivitis dhe calculus.
Dëmet e përtypjes së çamçakëzit
Edhepse ka shumë efekte të dobishme nga përtypja e çamçakëzit, shumë ekspertë mendojnë se është e dëmshme. Përtypësit e rregullt të çamçakëzit janë furnizuar me dëshmi se përtypja e çamçakëzit duhet shmangur. Nëj nga arsyet është se kjo gjë nuk është një strategji efektive për humbjen e peshës, në vend se të reduktojë urinë, çamçakëzi në fakt ju motivon të hani më shumë.
Përtypja e tepërt shkakton çbalansim të muskujve të nofullës, posaqërisht nëse jeni të prirë të përtypni më tepër në njërën anë se sa në tjetrën. Kjo gjendje është e njohur si “ çrregullim temporomandibular i nyjeve”, që mund të bëhet gjendje kronike. Përveç kësaj, mund të shkaktojë edhe çrregullime gastrointestinale pasiqë vazhdimisht gëlltitni ajër të tepërt. Nëse vazhdoni me përtypje do të gjendeni të fryrë dhe me dhimbje barku.
Edhepse ka disa beneficione, do të dëshironit të kufizoni kohën e përtypjes së çamçakëzit. Të fitoni përparësitë shëndetësore ju duhet të përzgjidhni çamçakëzin pa sheqer, përndryshe dëmet do e mbipeshojnë dobinë./kosovarja.ch/
