Vendoja e një maske në fytyrë mund të sigurojë mbrojtje më të mirë kundër COVIDd-19 sesa një vaksinë, pohoi mjeku Robert Redfield, drejtor i Qendrës për Kontrollin dhe Parandalimin e Sëmundjeve të SHBA-së, gjatë raportimit para nënkomitetit të Ndarjeve të Senatit Amerikan.
“Unë madje mund të shkoj aq larg sa të them se maska në fytyrë më mbron më shumë kundër COVID-19 sesa një vaksinë anti coronavirus. E gjithë kjo sepse imuniteti mund të jetë 70 për qind, por nëse nuk marr një përgjigje pozitive rreth imunitetit, vaksina nuk do të më mbrojë”, shpjegoi Redfield, raporton CNN.
Ai ka shtuar se qytetarët amerikanë ende nuk i vendosin maskat në fytyrë në atë nivel që mund të kontrollojë në mënyrë efektive shpërthimin.
“Kështu që unë dua të vazhdoj t’i kërkoj publikut amerikan të marrë përgjegjësinë, veçanërisht 18 deri në 25 vjeçarët, ku ne po shohim një shpërthim të ri në Amerikë”, tha Redfield.
“Nëse po më pyetni kur do të jetë në dispozicion një vaksinë, kështu që ne mund të fillojmë të përfitojmë për t’u rikthyer në jetën tonë të rregullt, unë mendoj se ndoshta në tremujorin e dytë, në fund të tremujorit të dytë , tremujori i tretë 2021”, pohoi ai.
Ndryshe, SHBA-ja ka raportuar 6.61 milionë njerëz të infektuar me virus gjersa kanë vdekur mbi 196 mijë persona.
