Një ditë më parë u shua në moshën 92-vjeçare kompozitori e baritoni i shquar Avni Mula. Ndërkohë, të premten iu dha lamtumira e fundit, përmes homazheve që u zhvilluan në Universitetin e Arteve, raporton TCH, përcjell Kosovarja.ch
Këngëtari, kompozitori i suksesshëm, autor i mjaft këngëve fituese në aktivitete muzikore kombëtare, dhe një nga themeluesit e Teatrit Kombëtar të Operas dhe Baletit u nderua nga të afërm e miq, por edhe personalitete të ndryshme, nga arti, kultura e politika.
Ndërkohë e bija e tij , sopranoja e njohur Inva Mula është shfaqur e përlotur në homazhet në nder të babait të saj.
