Dieta ideale është ajo 80/20 që do të thotë, 80% të kohës konsumoni ushqim të shëndetshëm ndërsa 20% mund të kënaqeni në ushqimin tuaj të preferuar. Dy herë në javë jeni të lejuar të hani çfarë doni që ditët tjera t`a respektoni dietën. Hani shëndetshëm dhe ushtroni mirëpo ende nuk mund të injoroni urinë? Atëherë aplikoni këto këshilla deri në një formë më të mirë.
Zbrazni raftet
Nuk keni për të hedhur të gjitha ushqimet që i gjeni në kuzhinë. Nëse jeni në dietë, është mirë që raftet dhe frigoriferi të mbushen me ushqim të shëndetshëm – perime, humus, kos grek, fruta të freskëta … Qëllimi është që gjithmonë në shikim të parë të shihni ushqimin e shëndetshëm, ndërsa atë më të keq është mirë ta fshihni diku në pjesën e poshtme ose mbrapa.
Bëjeni gjumin mirë
Gjumi është tepër i rëndësishëm për jetë të shëndetshme dhe masë ideale. Flini më së paku 8 orë në ditë.
Konsumoni ushqimin e preferuar
Dietë ideale është një me rregullën 80/20. Kjo rregullë do të thotë se 80 për qind të kohës ju hani ushqim të shëndetshëm, ushqime me kalori të ulët, dhe 20 për qind të mbetura mund t’i gëzoni me ushqimin tuaj të preferuar…
Tejkaloni ushqimet e panevojshme
Hani të pastër. Salcë për sallatë, mëlmesat dhe deserti janë gjitha kalori të panevojshme. Ne e dimë se një hot-dog pa mustardë, majonez apo keçap nuk tingëllon shijshëm, por në qoftë se ju doni të dobësoheni- atëherë sa për fillim lirohuni nga ato kalori.
Mos harroni se pse jeni duke u munduar
A ju kujtohen mendimet e para, menjëherë pas treningut të parë apo rrefuzimit të një pice? Shkruani çfarë ju motivoi në atë punë e më vonë kur t`i lexoni ju kujtohet qëllimi juaj. Kur keni vështirësi të arrini në trening apo të mos hani ushqime të dëmshme, kujtohuni pse jeni duke u munduar.
Kaloni urinë
Vazhdimisht ndiheni të uritur? Mundohuni të prisni 15-20 minuta para se të hidheni në ushqimin e parë që është afër. Njerëzit shpesh mendojnë se ata janë të uritur, dhe të në vërtetë janë vetëm të etur, ose të mërzitur. Pini një gotë me ujë, dilni në ajër të pastër, ose thjeshtë shkoni në një dhomë tjetër dhe shikoni TV. Ndryshimi i mjedisit është trik i testuar për luftën kundër urisë.
Ndryshoni recetat
Vetëm pse keni vendosur të dobësoheni nuk do të thotë të sakrifikoni ushqimet me shije të mirë. Në recetat e shëndetshme gjithmonë shtoni vaj të bimëve, hudhër, kanellë, biber që ushqimet të bëhen më të shijshme.
