E ëma shpresoi se gruaja e panjohur do të kundërshtojë për të ushqyerit me gji në publik, por ajo bëri diçka krejt të kundërt.
Një nënë nga Zelanda e Re ka shkruar në faqen e saj në Facebook se ka qenë e prekur thellë deri në përlotje nga reagimi i një gruaje të panjohur të moshuar në restorant. Gjegjësisht, Briar McQueen për herë të parë doli në mëngjes me djalin e saj Jackson, i cili kishte vetëm tetë javë, shkruan Fox News.
Sapo i sollën ushqimin dhe çokollatën e nxehtë në tryezë, fëmija filloi të qajë për shkak se edhe ai ishte i uritur. Nëna në vend që të vazhdojë me ngrënie, vendosi që më parë ta ushqejë fëmijën. Pastaj, ajo pa një grua të moshuar që ngrihet nga karriga e saj dhe iu afrua. E ëma shpresoi se gruaja e panjohur do të kundërshtojë për të ushqyerit me gji në publik, por ajo bëri diçka krejt të kundërt.
„Kjo është një nënë e mirë – më parë ushqen fëmijën. Më lejoni të ju prejë ushqimin ashtuqë me njërën dorë mund të hani. Nuk dëshirojmë që të ju ftohet ushqimi, apo jo?“ i tha gruaja e moshuar.
McQueen e shikonte gruan duke prerë në copëza vezët dhe tostin. Ka pranuar se ishte aq e habitur nga gjesti i saj sa që harroi t’i kërkojë emrin, por i’u ka falënderuar gjatë gjithë kohës. Zonja e panjohur pastaj u kthye në tryezën e saj, sikur asgjë nuk kishte ndodhur.
Megjithatë, nëna e re nuk ka mundur plotësisht ta injorojë, ashtuqë në profilin e saj në Facebook ka publikuar një postim i cili ka patur më shumë se 318 000 klikime (like), dhe i shpërndarë (share) më shumë se 12 000 herë./kosovarja.ch/
