Është dëshmuar se pacientët që vuajnë nga kanceri në mushkëri apo gjinjë, gjatë frymëmarrjes nxjerrin këto erëra. Ashtuqë qentë sot stërviten për të paralajmëruar njerëzit për rrezikun e thithjes së erërave të frymëmarrjes.
Qentë shumë herët i ndihmojnë njerëzit në zbulimin e drogës, armëve … Por, a e keni ditur se miqtë tanë katërkëmbësh mund të nuhasin edhe këto gjëra?
Bakteriet
Për shkak të përdorimit të madh të pesticideve, bletët në kontinentin e amerikës janë gjithnjë e më tepër në rrezik të zhdukjes. Mirëpo, qysh nga viti 1970, bletarët amerikan i kanë stërvitur qentë që të zbulojnë kosheret e sëmura para se t’i infektojnë të tjerat, hojet e shëndosha. Me nuhatjen e shkëlqyer, qentë thjeshtë ndjekin aromën e bakterieve e cila shkakton sëmundjen e njohur si “murtaja” amerikane e folesë së bletëve.
DVD
Qentë mund të stërviten për zbulimin e materialit të polikarbonatit, komponentë kryesore e të gjithë CD-ve. Në këtë mënyrë, qentë kanë kontribuar për zbulimin e tregtisë masive me DVD të falsifikuara.
Trupat e mbytur në ujë
Në polici në SHBA qentë shpesh ndihmojnë në gjetjen e trupave në ujë. Era e trupit të mbytur lirohet në ujë dhe pastaj del në ajër. Qentë këtë erë mund ta nuhasin nga barka, nga bregu i detit, apo duke notuar.
Diabeti
Qentë mund të stërviten për t’i paralajmëruar pronarët e tyre, të cilët vuajnë nga diabeti, sa herë që niveli i sheqerit në gjak rritet deri në pikën kritike.
Jashtëqitja e balenës
Shkencëtarët shpesh analizojnë jashtëqitjen e balenave që të mund të përcjellin shëndetin e këtyre kafshëve, sepse përmban informata të rëndësishme të ushqyerjes së tyre. Por ekziston një problem: jashtëqitja fundoset shpejtë. Për këtë shkak, një grup shkencëtarësh i ka stërvitur qentë që të zbulojnë jashtëqitjen. Qentë mundë të nuhasin erën në largësi mbi një kilometër e gjysëm dhe i shpie shkencëtarët deri te “pasuria e qelbur”. Kur qeni e zbulon këtë i lajmëron kapitenit të anijes duke u përkulur në të majtë apo në të djathtë, apo ngurtëson veshin e majtë apo atë të djathtë.
Çimka e krevatit
Çimka e krevatit është një parazit i cili ushqehet me gjakun e njeriut, macës, qenit dhe kafshëve tjera, kurse më së shumti i pushton mobiljet tona – krevatin dhe dyshekun. Si përgjigje për këtë problem, në shtetet e perëndimit shërbimet për dezinfektim kanë filluar që si ndihmës të marrin me vehte qenë të cilët mundë të nuhasin këta parazitë në shtëpi. Shkalla e precizitetit të tyre është mbi 96%.
Mineralet dhe xehet
Qeveria finlandeze ka finansuar program për stërvitjen e qenve për zbulimin e sulfideve të vlefshme. Kur shkëmbinjtë janë në fazën e shatërrimit, përhapet erë e ngjashme me atë të vezëve të prishura, të cilën qentë mundë lehtë ta zbulojnë, që është me rëndësi të madhe ekonomike.
Kanceri
Qelizat e kancerit kanë erë karakteristike të cilën hunda e ndjeshme e qenit mundë ta nuhasë. Është dëshmuar se pacientët që vuajnë nga kanceri në mushkëri apo gjinjë, gjatë frymëmarrjes nxjerrin këto erëra. Ashtuqë qentë sot stërviten për të paralajmëruar njerëzit për rrezikun e thithjes së erërave të frymëmarrjes. /kosovarja.ch/
