Organizatorët e festivalit “Sunny Hill” dhe vet këngëtarja Dua Lipa, që është themeluese e tij, kanë njoftuar zyrtarisht se edicioni i sivjetmë, i paraparë të mbahej në gusht, është anuluar për shkak të krizës së shkaktuar nga pandemia e koronavirusit.Kosovarja me famë botërore ka shkruar në Twitter se është shumë e trishtuar që këtë verë nukd do të ketë mundësi të festoj bashkë me adhuruesit e festivalit “Sunny Hill”, duke shtuar se me ta do të takohet në 2021.

Se edicioni i radhës do të mbahet vitin e ardhshëm e kanë bërë të ditur edhe organizatorët përmes një njoftimi për media.

“Me zemër të thyer duhet të konfirmojmë që Festivali Sunny Hill 2020 nuk do të mbahet këtë gusht, për shkak të krizës globale të paprecedent, të shkaktuar nga COVID-19”, thuhet në njoftimin e organizatorëve.

Ata kanë thënë se “mezi presim të takohemi sërish në gusht të 2021-s, me shumë gjëra të mrekullueshme që na presin”.