Infertiliteti prek një numër të madh të çifteve dhe individëve që përpiqen të mbesin shtatzënë. Hulumtimi i ri sugjeron që një dozë ditore e ulët e aspirinës mund t’i rrisë gjasat e ngjizjes për gratë me inflamacion kronik.
Hulumtimi i ri heton efektet e aspirinës në doze të ulët në përqindjen e shtatzënisë, humbjen e shtatzënisë, lindjet dhe inflamacionin gjatë shtatzënisë.
Gjetjet e publikuara në The Journal of Clinical Endocrinology & Metabolism, sugjerojnë se një dozë e vogël e përditshme e aspirinës mund t’u ndihmojë grave që kanë humbur më parë një shtatzëni ta çojnë shtatzëninë deri në fund.
Qëllimi fillestar i testimit ishte për të provuar nëse një dozë e vogël e përditshme e aspirinës mund të parandalojë humbjen e mëtejshme të shtatzënisë për gratë që kishin tashmë një ose dy abortime.
Eksperimenti mblodhi 1.228 femra te shëndetshme te moshës nga 18 deri ne 40 vjeçare, te cilat ishin duke u përpjekur për të mbetur shtatzënë, por të cilat kishin humbur më parë nje ose dy shtatzëni.
Pjesëmarrësve u administruan një dozë ditore prej 81 miligram aspirine deri në gjashtë cikle mujore, ndërsa ata po përpiqeshin të mbeteshin shtatzënë dhe për të gjithë periudhën e shtatzënisë prej 36 javësh te gratë që kishin mbetur shtatzënë.
Gratë që morën aspirinë kishin 35 për qind më shumë gjasa që të mbesin shtatzënë.
