Për femrat shtatzëna mbi moshën 35 vjeçare, veçanërisht ato mbi të dyzetat, kujdesi prenatal është shumë i rëndësishëm. Ekziston mundësia që t’ju paraqitet diabeti apo të keni tension të lartë të gjakut. Gjithashtu, rreziku më i madh është se ka gjasa që fëmija të lindë me çrregullime gjenetike siç është sindromi Down.
Sa më në moshë të jeni, rreziku është më i madh!
Shëndeti dhe komplikimet mjekësore
Lodhja është një pjesë normale e jetës suaj, po kështu edhe gjatë shtatzënisë. Por, fakti që ju nuk keni shumë energji kompensohet në mënyra tjera – prindërit e moshuar janë më të durueshëm dhe nuk nervozohen lehtë. Por, lodhja nuk është problemi i vetëm me të cilin përballeni. Femrat e moshuar kanë më shumë vështirësi për të ngelur shtatzënë, sepse pjelloria e tyre bie me moshë si dhe rrit rrezikun e komplikimeve gjatë shtatzënisë:
Abort spontan – në moshën 40 vjeçare rreziku është 25%.
Placenta previa – është implantimi i placentës përmes brendësisë së qafës së mitrës. Mund të rezultojë me gjakderdhje të papritura dhe dhimbje në vaginë. Në rastet e tilla të gjakderdhjes apo kur të arrihet pjekuria e lindjes fetale, zakonisht veprohet me prerje cezariane.
Peshë e vogël e foshnjes dhe lindje e parakohshme – rreziku për lindje të parakohshme apo peshë e vogël e lindjes, mund të reduktohet në mënyrë të konsiderueshme nëqoftëse shmangni pirjen e duhanit gjatë shtatzënisë.
Prerje cezariane – femrat më të moshuara se 35 vjet kanë më shumë gjasa për të lindur foshnjen me prerje cezariane.
Sindromi Down – rastet e sindromit Down paraqiten 1 në 10.000 tek femrat 20 vjeçare, ndërsa 1 në 100 tek ato në të dyzetat. Edhepse kjo nuk mund të parandalohet, mund të vërehet në kontrolleve të rregullta gjatë shtatzënisë.
Presion i lartë i gjakut – tek femrat e moshuara shtatzëna ka më shumë gjasa për t’iu paraqitur diabeti, sëmundjet kardiovaskulare si dhe hipertensioni. Të gjitha këto duhet të monitorohen me kujdes gjatë shtatzënisë.
Shumica e femrave të moshuara mendojnë se nuk kanë kontroll për faktorin e rrezikut, mirëpo ju mund të bëni shumë rreth kësaj. Ushqehuni shëndetshëm, ushtroni para, gjatë dhe pas periudhës së shtatzënisë, kujdesuni për shëndetin duke dëgjuar këshilla nga mjeku si dhe shmangni situatat e rrezikshme./kosovarja.ch/
