Varianti Omicron po vazhdon të përhapet në të gjithë Mbretërinë e Bashkuar.
Ekspertët kanë bërë të ditur se simptomat janë të ndryshme nga ato që shihen në variantet e tjera që kanë qarkulluar deri më tani.
Gjatë gjithë pandemisë ne jemi këshilluar të kujdesemi kollën e re të vazhdueshme, temperaturën e lartë dhe humbjen e shijes dhe nuhatjes.
Por, tani mjekët kanë paralajmëruar se varianti “Omicron” ka pesë simptoma të dallueshme për të cilat duhet të keni kujdes.
Dr. Amir Khan tha se simptomat e këtij varianti që po dalin nga Afrika e Jugut, tregojnë se ka pesë simptoma të reja.
“Fyti i gërvishtur, dhimbje të lehta muskujsh, lodhje ekstreme, një kollë e thatë dhe djersitje gjatë natës”, tregoi mjeku.
Pesë simptomat që duhet të keni kujdes, sipas tij janë lodhja, djersitja gjatë natës, gërvishjet e fytit, kolla e thatë dhe dhimbjet e lehta të muskujve.
Mjekët kanë thënë gjithashtu se pacientët e “Omicronit” nuk duket se vuajnë nga dhimbje të fytit, siç shfaqet ndonjëherë me Delta, por nga gërvishtjet e fytit.
