Shtatzënia është periudha më e bukur për një femër. Shpesh, gjatë kësaj periudhe, ato ndihen të llastuara nga kujdesi dhe vëmendja e tepërt që u kushtojnë partneri dhe familjarët.
Por ka raste kur gratë shtatzëna nuk ndihen mirë. Kjo mund të sjellë shqetësime e të mos i përjetojnë si duhet muajt në pritje të bebes.
Më poshtë do të lexoni gabimet që bëjnë më tepër gratë shtatzëna.
Të ushqyerit sa për dy
Fakti që jeni shtatzënë, nuk do të thotë që duhet të hani sa për dy të rritur. Duke qenë se jeni shtatzënë, duhet të shtoni rreth 300 kalori, jo më shumë. Teprimi me ushqimin mund t’ju sjellë probleme afatgjata në shtatzëni.
Pagjumësia
Pagjumësia mund t’ju lëndojë më shumë se sa prisni, pasi duhet të merrni parasysh edhe lodhjen e shtatzënisë.
Është koha të flini disa orë shtesë nëse periudha juaj e gjumit është 5-6 orë në ditë.
Mungojnë produktet me vlera ushqyese
Ndjekja e një diete të shëndetshme është një ide e mirë. Por, ndonjëherë, duhet të rrisni konsumimin e disa ushqimeve për të përmbushur nevojat e kërkuara ditore. Duhet të shtoni një deri në dy porcione në dietën tuaj për ta bërë shtatzëninë të suksesshme.
Mbështeten në suplemente
Shpesh kemi mungesa të vitaminave dhe mineraleve kur shkojmë të bëjmë check-up. Por, disa vitamina mund të kenë efekte anësore. Një zgjidhje e mirë do të ishte përmbushja e këtyre nevojave me ushqime të pasura me kalcium, si dhe vitaminë D.
Reduktoni sasinë e ushqimeve tuaja të preferuara
Shumë gra shtatzëna i shmangin ushqimet e tyre të preferuara kur janë shtatzënë sepse shqetësohen për efektet e tyre te fëmija. Por nuk ka asgjë të keqe nëse hani çokollatë, tortë ose ndonjë gjë tjetër që ju pëlqen, mjafton me sasinë e duhur.
Burimi: Albanianpost.com
