Besojmë që nuk keni ditur që vajzat zakonisht lindin me më shumë inde yndyrore, ndërkaq djemtë me rastin e lindjes janë më të gjatë dhe më të rëndë.
Në fillim bebet e gjinisë mashkullore rriten shumë më shpejt, mirëpo situata ndryshon në muajin e shtatë kur ngadalësojnë rritjen.
Kështu nuk është rasti te vajzat – ato deri në vitin e katërt rriten mjaft më shpejt se djemtë, andaj mos u befasoni kur dëgjoni që vajzat janë më të avancuara.
Megjithatë, djemtë i arrijnë ato në rritjen e tyre diku rreth moshës tetëvjeçare, ndërsa muskulatura e trupit shton në peshë që nga mosha nëntëvjeçare.
Faktorët e rëndësishëm
Ekzistojnë faktorë të rëndësishëm gjenetikë të cilët ndikojnë në rritën, zhvillimin dhe ndërtimin e fëmijëve. Një nga më të rëndësishmit është gjatësia e prindërve.
Pra, nëse ju dhe partneri jeni më të gjatë se mesatarja edhe fëmijët tuaj gjithashtu do të jenë të gjatë, mirëpo nëse gjyshet dhe gjyshërit kanë qenë shtatshkurtër kjo mund të prishë statistikën.
Llogaritja interesante
Nëse keni vajzë – matni gjatësinë e saj kur t’i mbushë 21 muaj dhe shumëzojeni me numrin 2. Kjo përafërsisht i afrohet gjatësisë të cilën do ta ketë fëmija kur të rritet.
Nëse keni djalë – prisni t’i mbushë 24 muaj dhe dyfishoni gjatësinë e atëhershme të tij, sepse ai numër do të jetë i përafërt me gjatësinë të cilën do ta ketë kur të rritet.
