Njerëzit që mbajnë maska plastike në fytyrë, ose edhe ato që janë të pajisura edhe me një valvul, mund të shpërndajnë spërkla të padukshme në një hapësirë shumë të gjerë nëse teshtin ose kollitesh. Kështu, kjo lloj maske që duket komode për disa, i bën këto pajisje joefektive në parandalimin e përhapjes së COVID-19 kur përdoret vetëm, pra e pashoqëruara nga një maskë shtesë.
Në një raport të botuar në fillim të shtatorit në SHBA, nga revista “Physics of Fluids”, studiuesit e “Florida Atlantic University” përdorën fletë vertikale dhe horizontale lazeri për të gjurmuar pikat e vogla të ujit të distiluar dhe glicerinës ndërsa ato përhapeshin nga një kokë manekine e zbrazët, e pajisur me një mburojë plastike në fytyrë ose një maskë me një valvul.
Mburoja, fillimisht, bllokon kalimin e spërklave ndërsa ato tentojnë të dalin përpara, por “spërklat mund të shpërndahen rreth hapësirës së maskës me lehtësi, madje mund të përhapen edhe më shumë”,- thanë studiuesit.
“Sa i përket një maske me një valvul për ta bërë më të lehtë frymëmarrjen, sërish ka dyshime, sepse një numër i madh pikash kalojnë përmes valvulës pa filtër, gjë që e bën atë joefektive në ndalimin e përhapjes së koronavirusit nëse personi që mban maskën është i infektuar”.
Studiuesit arritën në përfundimin se pavarësisht komoditetit që të ofrojnë këto dy lloje maskash, maskat e copës me cilësi të lartë ose maskat kirurgjikale janë preferenciale për të ndihmuar në parandalimin e përhapjes së virusit.
