Të jetosh me një mashkull që nuk priret të tregojë ndjenjat e tij nuk është e lehtë. Një grua mund të tundohet dhe të ndiejë nevojën për tu siguruar në lidhje me personin që ka zgjedhur të ketë në krah. Nëse burri juaj është një djalë i ashpër dhe ka tendencë të mos i ndajë me ju ndjenjat e tij dhe ju jeni të lodhur nga kjo, zbuloni këshillat e një seksologu.
Ai nuk ju tregon dashurinë e tij, çfarë të bëni?
Ju po përjetoni një periudhë pasigurie sepse jeni lodhur prej qëndrimeve të burrit tuaj. Partnerët e të tjerëve janë kaq të ëmbël dhe demonstrues dhe ju dëshironi të keni gjithashtu një partner të tillë. Mendoni edhe për anën e kundërt të monedhës: le të themi që ai ju thotë çdo minutë se ai ju do ju çmendurisht dhe sapo ndahet nga ju takon dikë tjetër ose ju thotë se ju do dhe më pas ushtron dhunë ndaj jush, çfarë do të preferonit ?
Burri juaj e ka të vështirë t’ju tregojë ose flasë për dashurinë që ndjen për ju, por nëse pas disa vitesh vazhdoni ta doni atë me siguri ai ka arritur t’ju tregojë dashurinë e tij në mënyra të tjera.
Nëse problemi nuk është se dyshon në dashurinë e tij, por je lodhur nga fakti që ai vazhdon të të puthë rrallë, nuk të tregon asnjëherë se sa shumë të do dhe në publik sillet sikur të ishte vëllai yt, atëherë këto këshilla mund të ishin të dobishme.
Seksologu Véronique Larivière shpjegon se ky qëndrim mund të fshehë frikën e angazhimit, të fejesës, është sikur të mbash pa vetëdije një distancë të caktuar që i bën ata të ndjehen më të sigurt. Por nuk është gjithmonë kështu, të tjerët nuk kanë dyshime, por vetëm mungesa… ata nuk mund të tregojnë emocione dhe ndjenja, është një mënyrë e tyre e të qenit.
Natyrisht, nëse partneri ka qenë gjithmonë i tillë, nuk ka gjasa që ai të ndryshojë. Ju e kuptuat që ishte ashtu dhe e pranuat dhe mbase ky qëndrim i juaji dhe fakti që e keni pranuar ashtu siç është, konsiderohet një themel i dashurisë tuaj për të. Për më tepër, do të ishte më mirë të mos harrojmë se sa më shumë të ndjehemi të detyruar, aq më pak ne priremi të plotësojmë nevojat e tjetrit. Kështu që të zemërohesh, të kërkosh, të kritikosh mungesën e vëmendjes së tij ndaj nesh, mund të kishin efektin e kundërt.
Prandaj seksologu sugjeron të kufizoni kritikën dhe të përqendroheni në pikat pozitive të marrëdhënies dhe të kujtoni se shpesh kur përqendrohemi shumë në anët negative, harrojmë gjërat e bukura dhe pikat e forta të marrëdhënies.
Nëse qëndrimi i tij ka ndryshuar me kalimin e kohës, si dhe mënyrën se si ai ju tregon dashurinë e tij dhe ju jep vëmendje të vogla, atëherë duhet të dëgjoni tjetrin. Filloni dhe përpiquni të kuptoni se si ai e percepton marrëdhënien tuaj, nëse është i lumtur, nëse i mungon diçka dhe çfarë dëshiron të përmirësojë për të ardhmen. Diskutimet duhet të mbahen sa më larg që të jetë e mundur, krahasimet dhe bisedat e vogla janë çelësi i një marrëdhënieje të mirë.
