Reperi i njohur, Vigan Bardhi, i njohur si Vig Poppa, nuk është një nga ata personazhe që vihet shumë në qendër të vëmendjes së mediave për jetën e tij private. Ai është më shumë më i përfolur rreth projekteve muzikore dhe sukseseve në karrierë, por herë pas here diskutohet edhe për të rejat në jetën e tij.
Së fundmi një lajm i gëzueshëm vjen nga familja e reperit.
Ai dhe bashkëshortja e tij, Ena, janë në pritje të fëmijës së tyre të dytë.
Lajmin për këtë e bëri të ditur vet Vig Poppa, teksa publikoi në rrjetin social Instagram dy fotografi të bashkëshortes së tij, ku shihet duke pozuar para pasqyrës me barkun e rrumbullakosur.
“Së shpejti, unë do të jem Papi 2.0”, shkroi reperi në mbishkrimin e fotografisë, ndërsa ka pranuar urime të shumta nga ndjekësit.
Çifti përndryshe janë prindër edhe të një djali pesë vjeçar, të quajtur Domi.
