Këngëtarja problematike Amy Winehouse është në prag të divorcit me burrin e saj, Blake Fielder-Civil, i cili porsa është liruar nga burgu, pasi që ajo tashmë nuk e di nëse e dëshiron një të ardhme me të. Fielder-Civil është liruar parakohe të mërkurën nga burgu Suffolk ku duhej të qëndronte 27 muaj, ndërsa këngetarja e hitit "Rehab" ende nuk është takuar me burrin e saj, dhe spekulohet se ajo është duke menduar t'i jape fund martesës së tyre të shkurtër. "Nuk e di nëse dua të jem me të. Gjithçka ka ndryshuar. Unë mundohem të vazhdoj më tutje dhe nuk mund ta duroj dhimbjen më. Ende jam duke u menduar nëse do ta takoj ose jo", e kane cituar të ketë thënë miqtë e saj këngëtaren, njofton gazeta britanike "Daily Mirror"
